“வாரணம் ஆயிரம்” திரைப்படத்தைப் பற்றி மூன்று சொற்களில் சொல்ல வேண்டுமென்றால், சூர்யா..சூர்யா..சூர்யா.. என்று தான் சொல்ல வேண்டும். ஆம். படத்தின் நாயகன், சூர்யா, தந்தை மகன் என்ற இரட்டை வேடங்களில், தனது சிறப்பான நடிப்பை வெளிப்படுத்தியதோடு மட்டுமல்லாமல், விடாமுயற்சி, கடின உழைப்பு, என்ற வார்த்தைகளுக்கு முன் உதாரணமாகவும் விளங்கியுள்ளார். தந்தை மகன் பாசம், மகனுக்கு தோழனாய் இருக்கும் தந்தை, தந்தையை போல் வாழ நினைக்கும் மகன், இப்படி தந்தைக்கும் மகனுக்கும் உள்ள உறவின் பல பரிணாமங்களை அற்புதமாக செதுக்கியுள்ளார் இயக்குனர் கௌதம் மேனன். மேலும், ஹாரிஸ் ஜெயராஜின் இசை, படத்திற்கு மெருகேற்றியுள்ளது. சமீரா, சிம்ரன், திவ்யா என்று மூன்று கதாநயகிகளும், கதையோடு ஒன்றி நடித்துள்ளனர். oklahoma குண்டு வெடிப்பு சம்பவம், படத்தில் சிறிது நேரமே வந்து போனாலும், நிகழ் காலத்தோடு ஒன்றுவதால், தசாவதாரம் சுனாமி போல், படத்தின் கதை அறிவுப் பெட்டகமாகவும் திகழ்கிறது.

இப்படி, பல விசயங்கள், படத்திற்கு பக்க பலமாக அமைந்திருந்தாலும், முடிவில்லாமல் தொடர்ந்து செல்லும் கதை, கௌதம் படங்களில் இயல்பாக காணப்படும் மேற்கத்திய சாயல், ஒரே பாடலில் பணக்காரன் ஆகும் கதாநாயகன், என்று சில பல காரணங்கள், படத்தின் ஈர்ப்பு விசையை குறைக்கிறது. இதில் குறிப்பாக, படத்தின் மேற்கத்திய சாயலை பார்க்கும் பொழுது, படத்திற்கு “வாரணம் ஆயிரம்”என்பதை விட “Elephants 1000″ என்ற தலைப்பு மிகவும் பொறுத்தமாக இருக்கும், என்பது என்னுடைய கருத்து.

IMDb | WiKi

No related posts.